خوتي ردو البال ( منقول)

حقيقة ما جرى بالحسيمة يرويها أحد أصدقائي الذين أتق فيهم والذي كان شاهد عيان أتناء الحادث المؤلم الذي أصاب المرحوم محسن فكري ، كما يروي كيف بدأت بعض الجهات في الركوب عن الحدث و استغلال آلام الفاجعة لتأجيج الوضع و بت نار القتنة الطائفية و العرقية و التعصبية كما ذكرت سابقا للتنفيذ أجنداتهم و أهدافهم الشريرة التي تكن كل العداء لوحدة البلاد و الوطن

********************************************
السلام عليكم .. ترددت بزااف قبل مانكتب هاد المنشور خصوصا بعد اللغط الذي صاحب قضية المرحوم محسن فكري ،، و لكن استفزتني ردود البعض و محاولات البعض للركوب على الحدث كل من اجل اهدافها و نواياه الخاصة كاين اللي بدا كيجبد فيديوهات قدام من 2011 باش يبين باللي نايضة فالحسيمة و كاين اللي خرج اشاعة ان كوميسير قال للسائق طحن مو و السائق ورك على البوطونة داكشي ديال Saw انا بحكم انني كنت واحد من الشهود العيان غادي نحكي التفاصيل باش نريح ضميري و نحيدلكم اللبس ..

المهم باختصار محسن الله يرحمو ماشي بائع سمك هو تاجر بالجملة و عندو كريمة ديال طاكسي يعني ماشي بائع متجول مسكين .. هو شرا سلعة عبارة عن سمك بوسيف اللي ممنوع الصيد ديالو فهاد الفترة لانها فترة راحة بيولوجية من بعد مني خرج السلعة من المرسى ثم المصادرة ديالها من طرف البوليس كاجراء قانوني عادي لانه يحمل سلعة غير مرخصة و ماعندوش توصيل الخروج مم الميناء فاش شدو السلعة النيابة العامة قررو اتلاف السلعة فالكاميو ديال الزبل اللي كان حدا المحكمة اللي ملاصقة مع الكوميسارية الضحية محسن كان ثم و مني شاف سلعتو كتلاح بطبيعة الحال غادي مايبغيش يشوف 10 المليون تقريبا ديال السلعة كتلاح فالزبل ناض بقى يغوت و نقز للكاميو اللور باش يجبد رزقو و نقزو موراه شي دراري صحابو فديك اللحظة الالة ديال الضغط كانت متوقفة و السائق هبط من الشاحنة مني تجمعو الناس موراها بشوية شي واحد من الدراري اللي طلعو للشاحنة قاس عن طريق الخطا المكبس اللي كيخلي ديك الماكينة دور و فاش بدات كدور نقزو الدراري و محسن حصل التحت مسكين شداتو كيما شفتو فالصورة حتى لهاد اللحظة ماكان حتى شي كوميسير او بوليسي و القضية ديال شي بوليسي قال للسائق طحن مو اشاعة خرجوها ناس عندهم مصلحة فتصعيد الامور ..
الخطا فهاد الملف كامل جاي من مندوبية الصيد البحري حيث كيفاش تصيد داك الحوت و كيفاش خرج للمرسى حتى وصل لمحسن داكشي علاش تعفى المندوب من المهام في انتظار استكمال التحقيق و المديرية العامة للامن الوطني دارت بيان لهيسبريس لتوضيح الحيثيات و اكدت باللي ماعندها حتى دخل حيث الاجراء الوحيد اللي دارتو هي مصادرة السلعة و اللي هو اجراء قانوني 100 % الخطا ديال السلطات المحلية فكيفية اتلاف السلعة بديك العشوائية بدون اجراءات و امام انظار الضحية هو اللي وصل لهاد الكارثة ..
بغيت نشير لواحد القضية حنى كلنا متضامنين مع محسن فكري و لكن التضامن لا يعني خلق اشاعات و اكاذيب و مزايدات خاص تكون حكمة فمعالجة الامور باش نحطو الاصبع على مكمن الخلل لحقاش كاين العاب سياسية قدرة تدور في الخفاء الناس ديال الاصالة و المعاصرة باغين يركبو على الموجة من اجل توريط الحكومة و الناس ديال العدالة ساكتين و كاين اطراف عندهم مشكل مع البوليس و باغينهم يبانو هوما الغالطين و كاين اطراف عندهم مصلحة فخلق نزاع طائفي و باغينها تبلبل و كيجبدو فيديوهات قدام من اجل التصعيد و كاين ناس كيطللبو بجمهورية الريف لقاو هادي هي الفرصة .. يعني القضية مرونة فانت كمواطن واعي ماخاصكش تبارطاجي اي حاجة لقيتها راه ربي عطاك عقل تفكر بيه ..
Jawad Botifar