توضيح بعض الأمور في حادثة الشهيد #محسن_فكري. (منقول)

السلام عليكم 

فقط توضيح بعض الأمور في حادثة الشهيد #محسن_فكري.
أولا كاين شي وحدين بغاو يربطو صحا و بالقوة البوعزيزي بالفقيد#محسن_فكري؟ ويدعون بأنها قضية أمازيغ ضد عرب؟ وأنها بداية ربيع أمازيغي الى غير دالك من المغالاطات....
في هدا الإطار بغيت نوضح التفاصيل باش كلشي يفهم قضية #محسن_فكرينحسبه شهيدا والله حسيبه 
محسن الله يرحمو ماشي بائع سمك هو تاجر بالجملة (المغالطة الأولى)
عندو كريمة ديال طاكسي صغير و 2 طاكسيات كبار يعني ماشي بائع متجول (المغالطة الثانية )
المرحوم #محسن_فكري شرا سمك بوسيف اللي ممنوع الصيد ديالو من 01 إلى 30 أكتوبر ( فترة راحة بيولوجية) من بعد ملي خرج السلعة من المرسى (بطريقة غير قانونية ؟ ( قام المصادرة ديالها من طرف البوليس لأنه يحمل سلعة غير مرخصة. فاش شدو السلعة، النيابة العامة، قررو إتلاف السلعة (وليس حجزها؟؟؟؟) فالكاميو ديال الزبل اللي كان أمام المحكمة اللي ملاصقة معا لكوميسارية الضحية #محسن_فكري كان ثم وملي شاف سلعتو كتلاح بطبيعة الحال غادي مايبغيش يشوف 6 المليون كتلاح فالزبل نقز للكاميو اللور باش يجبد رزقو ونقزو موراه صحابو المهم فديك اللحظة الآلة ديال الضغط كانت متوقفة والسائق هبط من الشاحنة ملي تجمعو الناس موراها بشوية (ربما) شي واحد من الدراري اللي طلعو للشاحنة أو شي واحد واقف حدا الكاميو قاس المكبس اللي كي خلي ديك الماكينة دور و فاش بدأت كدور نقزو الدراري ومحسن حصل التحت مسكين شداتو كيما شفنا جميع حتى لهاد اللحظة ما كان حتى شي كوميسير أو بوليسي والقضية ديال شي بوليسي قال للسائق #طحن_مو ولا #طحن_دين_مو راها غير إشاعة (المغالطة الثالثة)
الخطأ فهاد الحادثة الأليمة جاي من مندوبية الصيد البحري حيث كيفاش تصيد داك الحوت وكيفاش خرج للمرسى حتى وصل #محسن_فكري داكشي علاش تعفى المندوب من المهام (ليلة جمعة 27 أكتوبر) والمديرية العامة للأمن الوطني دارت بيان وأكدت أن مصادرة السلعة هو إجراء قانوني 100 %. الخطأ ديال السلطات المحلية هو : في كيفية إتلاف السلعة وعدم حجزها = هو اللي وصل لهاد الكارثة المأساوية.
والملك تضامن مع أسرة الفقيد #محسن_فكري و عزاهم والملك أنغ إيخيص أذ يحدد إودان اللي غاصم المسؤولية ذ الحادثة ذلموت #محسن_فكري أنغ). ومن بعد، 11 مسؤول توقفوا وبدا التحقيق معاهم.
#كلنا_محسن_فكري

Hicham Marrakechi#