الفرق بين قضية الصنهاجي وقضية النجار وبا حماد

مرحبا متتبعينا الكرام
للتوضيح فقط
بعد فضيحة الفيديو المسرب لسعيد الصنهاجي والتضامن الواسع الدي لاقته من طرف الشعب والصحافة ظهرت من جديد قضية بن حماد والنجار وكيف ان الناس تضامنو مع الصنهاجي عكس قضية النجار وبن حماد التي لاقت استنكارا من الشعب لانهم يدعون الى الله كما جاء على لسان انصارهم فالفايسبوك وردا على هاته المقالات اقول لكم بخصوص قضية الصنهاجي اولا السيد  معروف فاش خدام وماكايكدبش على الناس ومن هد الشي كامل ورغم ان الامر شخصي وكايهمو غي هوا وكان غي عريان يعني مكاينش شي دليل انو كان كايزني. خاصو اربعة شهود ياك. وكون تلاح شي فيديو  شفنا فيه مغيب الحشفة وعدرا عن التعبير ولكن هد الشي قريتو فالتربية الاسلامية  فسنوات التسعينات لموهيم ماعلينا نكمل ليكم كون شفنا هد الشي فالفيديو كنا غانطالبو بالرجم ديالو  لانو انسان متزوج وعقوبة الزنى فالشريعة الاسلامية هي الرجم بالنسبة للمتزوج او المتزوجة او الجلد80جلدة بالنسبة للعازب والعازبة الشي لي مكاينطبقش على سي بن حماد والسيدة النجار  حيت ظبطا متلبسين من طرف السلطات يعني كانو حاضرين الشهود فعين المكان وفوق دالك ليس هناك عقد زواج موتق اضف اليه ان بن حماد متزوج والنجار ارملة فما حكمكم يالي حالين فمكم  غي خلينا ساكتين وصافي
تانيا حيت قلت اولا خاصي نقول تانيا مشي بحال شي بعضين لموهيم ماعلينا فين خليناها اه تانيا تانيا اسيدي سعيد الصنهاجي مباشرة بعد انتشار الفيديو وغم انه قديم قدم اعتدار صوت وصورة للمغاربة وطلب السماحة عكس الكوبل لي اصرو انه حقهم وكايخرجو عينيهم هوما والمناصرين ديالهم
تالتا ومهمة هد تالتا قلت ليكم فبداية المقال ان الصنهاجي معروف فاش خدام ومكايكدب على حد يعني لي بغا النشاط را غايتبعو هدا في ما يخص ميدان عملو بغض النظر عن ما يخفي قلبه ونيته ومصيره غدا يوم القيامة الدي لا يعلمه الا الله فلا يجوز لك تكفيره او نعته بالفاسق وبان الشعب والصحافة المغربية كاتدافع على فاسق منو لمولاه وراه عاطيكم التيقار وماهوا سياسي ماهوا قيادي .صبر صبر انا جاي اما الاخرين راهم دعات و قياديين كبار فتنظيم اسلامي كبير فالمغرب وهوما نيت عندهم بزاف ديال المحاظرات على الزنا والخيانة وطوط طوط زطوروطوط  كون كلنو ناس عاديين كانت الناس غاتتعاطف معاهم وخير متال الفقيه لي حصل فالجامع ناس تضامنت معاه والامن دار شغلو ولقاو السيد غي مظلوم وغي مؤامرة تلفقات ليه من بعض سكان الحي بمساعدة سعاية كانت كاتسعى حدى الجامع لي عتارفات بملابسات القضية ياك حتاهوا مسلم بعكس قضية ابيضار شافوها بالجرم المفضوح ملايين الشهود راكم شتو كيفاش اضطرات تهرب بعدما هاجمها الشعب المغربي لي وصلات حتى الرجم بالحجر فيا ايها النابحون سدو فامكم شوية را لا جينا نهدرو رغ نتوما لي غالطين  وماتبقاوش تخباو ورا الجلابة ديال الدين الاسلامي الدي تتخدونه درعا  لتحقيق مصالحكم وتؤولون الدين لصالحكم كفاكم جعلتم الناس تكدب الدين بافعالكم والدين منكم براء
نتمنى مانكونش تقلت عليكم الى اللقاء في فرصة اخرى نتمنى تعجبكم هد التخربيقة لي كتبت وماتنساوش تخليو لينا التعليقات ديالكم

مجلتكم المغربية